2.24.2007

Обама, Осама болон Матай

Өнөөдөр оройн зоог идсэний дараа ажил, ажил гэж гүйсээр ойрд зурагт, TV гээч юм байдгийг бүр ор тас мартсанаа дурсангаа хорвоо ертөнцөөр сонин хачин юу болж байна даа хэмээн өөртөө хэлээд зурагтын удирдлага руу гар сарвайв. NBC-гээр миний зүгээс их л найдвар тавьж буй Барак Обама бас нөгөө Хиллари Клинтон хоёрын сонгуулийн өрсөлдөөний тухай ярьж байх юм. Шинжээчдийн үзэж байгаагаар Ардчилсан намын Primary -гаас өрсөлдөн гарах ёстой энэ 2 өрсөлдөгчдөд "сонин сонин" сул ба давуу талууд их байгаа юм байна. Жишээ нь хамгийн анхны эмэгтэй ерөнхийлөгч болох шаанстай Хиллари эмэгтэйчүүдээс наад зах нь 60 хувийн санал авах, харин эрчүүдээс бол 50 аас доош хувийн санал авах магадлалтай юм гэнэ. Гэтэл манай Барак Обама Исламын шашныг эсэргүүцдэг сонгогчдын дунд нэр хүнд тун муу байгаа юм байх. Гэхдээ ironic буюу егөөдөлтэй хэсэг нь мань Барак Обама бол Мусулман буюу "лалын шашинтан" биш юм. Хэдий тийм ч түүний мусулман нэр түүнд том садаа болох нь одооноос анзаарагдаж байна.



Стереотип гэж бидний амьдралаас холдохгүй эд юм даа. Хөөрхий Обамагийн нэрийг 9 сарын 11 нээс хойш Осама гэж "misspelling" хийж, санаатай санаагүйгээр Осама гэж хэлж ярих нь бүр ч олон тохиолдох болж. Хэдхэн сарын өмнө CNN-ий мэдээний үеэр дэлгэцийн доор "Where is Obama?" гэж бичиж байгаад Оcaма Бин Ладений тухай ярьж гарсан. Харин алдарт сэтгүүлч Wolf Blitzer хувиасаа уучлал гуйсан, бас CNN тэнд ажилладаг график департментийнхан алдаа хийжээ хэмээн том уучлалт гуйсан. Гэтэл энэ Rush Limbaugh гэж нөхөр зориудаар хэд хэдэн удаа радиогоороо Барак Осама гэж хэлсэн байх юм.

Дээр би зориуд Ислам, Мусулман гэж бичсэн билээ. Учир нь учир мэдэх хүнээс сонсохнээ Islam гэдгийг манайхан Лал буюу Лаларын шашин гэж зориудаар "доош хийж" нэрийдсэн гэдэг. Уг нь англиар лалын шашныг Islam, лалын шашинтныг Muslim гэдэг билээ. Ер нь шашин соёлын мөргөлдөөн нэлээд гүнзгийрч буй өнөө үед "culturally put-down" хийсэн үгээс зайлхийвэл дээрсэн. Гэтэл нэгэнт хэвшсэн үг хэллэгийг өөрчлөнө гэдэг санаснаас хэцүү нь ойлгомжтой.

За энэ шашин гээчийг сайн ойлгож судлаагүй би гэж хүн энэ жил Библи, Куран, бас Бурхан багшийн сургаалийг уншиж судалахаар шийдээд байгаа. Библи, Бурхан багшийн сургааль хоёрыг дунд сургуульд байхдаа уншиж байгаад дунд нь хаячихсан гэмтэй хүн. Харин номын тавиурт байгаа Quran судрыг 99 оны хавар Вашингтон Ди Си хотод аялах үед манай Айдахо мужийн багийнхны орж сонирхсон нэгэн Исламын сүмийн ламаас -Энэ ном тань үнэтэй юу? гэхэд -Үнэгүй ээ гэж мушилзан инээсээр хариулахад нь дурсгал болгон авсан боловч одоо хүртэл "салхи үзүүлээгүй", үе үе орондоо орохдоо авч орох боловч хол явалгүй өдий хүрчээ.

За тэгээд дээр хэлж байсан зорилгын дагуу бас нэгэн шалтгааны улмаас хэдэн минут ТВ үзсэний дараа Библийн Шинэ гэрээг авч эхнээс нь авахуулаад уншиж гарав. 1996 онд Монгол Библийн Орчуулгын Хорооноос гаргасан Монгол хувилбар юм байна. Chapter-ууд нь их богинохон юм. Харин Матайгийн 7 дугаар бүлэг дээр хаа нэгтээ тэмдэглэмээр (жишээ нь блогтоо) сайхан зүйл байх юм.

Шүүгдэхгүйн тулд бүү шүү. Учир нь та нар яаж шүүнэ, түүнчлэн шүүгдэнэ, та нар ямар хэмжээгээр хэмжинэ, түүнчлэн хэмжигдэнэ гэжээ.

Бас "Ариун юмыг нохдод бүү өг. Өөрсдийн сувдыг гахайнуудын өмнө бүү хая. Тэд түүнийг хөл доороо гишгэчээд, эргэж чамайг хэдэн хэсэг болгон тасчин хаях вий. гэж бичжээ.

За ер нь аливаа шашинд сүсэглэдэггүй мань мэтэд ч хэрэгтэй үнэтэй зөвлөгөө мэт санагдсан тул энд бичлээ. Ер нь цаашид Библийг унших зуур тэмдэглүүштэй зүйлсийг блогтоо бичээд явъя гэж бодож байна. Хэрэгтэй хүндээ хэрэг болог, бас надад чухал тэмдэглэгээ болог. Харин шашин сурталчилж байна гэж бүү бодоорой. За тэгж бодох ч үндэс байхгүй биз ээ. Яагаад гэвэл Тeachings of Buddha, Quran 2 ooс мөн тэмдэглэгээ хийж явах тул.

Дээрх мөрүүдийг хэр сайн орчуулж вэ гэж бодоод хуучин, шинэ гэрээг хоюуланг нь багтаасан Holy Bible -ыг тавиураас авав. Тээр жил Даллас хотод зочилохдоо буусан Моtel-ooсoo "туусан" эд. хэхэ. Номын хулгай хулгай биш гэж ярьдаг ч, миний бодлоор номын хулгай бол нэг талаасаа маш том хулгай. Гэхдээ Америкт буурчын газраас Holy Bible аваад гарахад хэн ч дургүйцэхгүй биз ээ. Маtthew 6, 7 гэдгийг олж харлаа. Сонин байж магад энд шивчихье.

Judge not, that ye be not judged. 2. For with what judgment ye judge, ye shall be judged: and with what measure ye mete, it shall be measured to you again.

Give not that which is holy unto the dogs, neither cast ye your pearls before swine, lest they trample them under their feet, and turn again and rend you.

Давгүй сайхан Монголчилжээ. Тэртусмаа урт өгүүлбэрийг тасдаж болдогийг бодолцсон байна. Мөн ихэнхи тохиолдолд сунжирдаг монгол хэл дээр харин бүр нэлээд товч буулгажээ.

За үг олдож үхэр холдохнээ. Баахан замбараагүй хадуурчээ дээ. Барак Обамагийн талаар харин дараа тухтай бичнэ ээ. Тэр хүн яагаад Америкийн ерөнхийлөгч болвол дэлхийд хэрэгтэй вэ гэх мэт...

12 comments:

Dori Ider said...

http://baabar.blogspot.com - оор саатан морилоорой!

Amaraa said...

Чи АНУ-х сонгууль, нэр дэвшигчдийг дүгнэж цэгнэсэн том эр байх нь, чи тэгээд аль нэр дэвшигч нь зүйтэй зүйл амлаж, аль нь буруу замналд уриалаад байгааг нь олигтой тайлбартай бичээч?

Logos said...

Amaraad: Yer ni bol uls turiin medee seltees oird hol baidag bolson. Tiim sonirhol zav ch baga baidag gehuu dee. Blogooroo uuriin bodloo l busadtai huvaaltsaj baina. Neg ih dugnej tsegneed baisan yum alga l daa. Harin Barak Obamagiin huvid daraa blogtoo uuriin bodloo bichye gej helsen baigaa. Ter uyed bas sanaa onoogoo huvaaltsaj boloh yum. Anhaaral tavisand bayarlalaa.

nabar said...

Quran gadaad hel deer baidag yum uu?
Ene talaar medeelel baihgui bogood,omno ni negen Muslim naizaasaa Quran bol gadaad hel uruu orchuulagddaggui.Uchir ni orchuulah yavtsad,jinhene utga ni aldagdah bolomjtoi uchraas gesen tailbar sonsoj baisan yum l daa.
Hervee gadaad hel deer baidagbol neg unshihad sonin l baih baih.
New Bible-tai neg ueiig haruulah bolovch,esreg udmiin tuhai garah baih daa...

Anonymous said...

Sain uu?

Amaraa-d hun sanaa onoogoo helj baihad ta chini yu yu gene ve?
Yu heleh ni tani erh l dee, gehdee arai evteihen helchihej yagaad bolohgui gej!

Nabar-t Quran angli heleer baidag yum bilee.

Logos said...

Nabar-т Нээрээ тийм шүү. Хамт сурч байсан нэг араб оюутан Куран сударыг бүрэн утгаар нь аль ч хэлд буулгах боломжгүй юм гэж хэлж байсан. Нэлээд religious утгаараа, хоёрд үг болгон нь далд утга агуулдагтаа ч тэгдэг байх. Монголын Нууц Товчоог жишээ нь Листер гэж хүн англи хэлэнд буулгахдаа маш муу орчуулсан байдаг даа. Кураны хувьд дэлхийн 2 дахь том шашны судар тул олон хэлэнд буулгагдсан байх нь тодорхой. Надад байгаа ном бол The meaning of the Holy Quran гэж байгаа. Amazon.com дээр л гэхэд олон л хэл дээр байх шиг. Монгол хэл дээрх Куран нээрээ байдаг болов уу? За Кураны хувьд миний орос хэл үүгээр дуусч байна. :)

Anonymous said...

Бгавадгита гэдэг ариун судар Монгол хэлээр орчуулагдан гарсан билээ.Энэ судраас хүний амьдралын утга учир, нүгэл буян,хэрхэн бурхны оронд очих тухай тодорхой өгүүлсэн байдаг.Нийт 700 шүлэг буюу шлока,тайлбартайгаа байдаг.Та бүхэн Бхавадгита судрыг худалдан авч уншина уу

Харе Кришна
Ганбат

Logos said...

Sonirholtoi medeelel uldeesen Ganbat andad bayarlalaa.

Hulan said...

Obamagiin tuhai bichene gesen yasan be Sainaa?

Anonymous said...

Сайн уу Сайнбаяр. Юун түрүүн GLOBAL СЕО-д түрүүлээгүй ч хувьдаа өөрийн ялалтаа чи авсан шүү гээд баяр хүргэе. Барак Обамагын хувьд өөртэй чинь адилхан санаа бодолтой ерөнхийдөө дэмжиж явдаг. Монголд байгаа ихэнх хүмүүсийн массын хандлага бол мэдээлэл муутай тэр хүний тухай мэдээлэл хомсоос шалтгаалж эсрэгээрээ Хиллари юм шиг байна билээ. Надад хувь хүнийхээ хувьд Хиллари таалагддаг ч яг одоогын ийм эгзэгтэй цаг мөч тохиож байгаа ерөнхийлөгчийн албан үүрэг гүйцэтгэх тал дээр болон олон нийт массын чиг хандлагад зохицох,үүрэг хариуцлагын хувьд хэрхэв ч нийцэхгүй юм болов уу даа гэж харагддаг. Тэр утгаараа Барак Обама илүү олны итгэлийг олсон зөв чиг барилтай, тодорхой шинж чанаруудыг агуулсан хүн гэдэг нь эхнээсээ авхуулаад ямархуу хүн бэ гэдэг нь надад шууд танигдаж таалагдсан.
Тэгээд дараа амалсан ёсоор Барак Обамагын талаар бичээрэй гэж хүсье.
Ер нь чамайг анзаарах нь ийм Баракыг чи өөрийнхөөрөө танисан байгаагынхаа хувьд чи ч гэсэн бас өөрийгөө ч гэсэн надад ямаршуу хүн бэ гэдгийг давхар таниуллаа гэж үзэж байна. Тийм учраас өөртөө улам бат итгэлтэй явж байгаарай, блог чинь таалагддаг чамайг дэмждэг шүү.

Anonymous said...

Саяны коммент бичихдээ нэрээ мартаж. Мөөгий шүү!

BK said...

QURAN SUDAR - Ali Unal gedeg Hunii English ruu ranslate hiisen Quran Sudar baigaa, Amozon-d baidag bhaa. Sain, translation-t, sonirhovol olj uzeerei