8.03.2008

Өврийн сайхан хангай ба Арвайхээр

Өнгөрсөн 6 дугаар сард Өвөрхангай аймгийн Арвайхээр хотод JCI Mongolia-гийн Манлайллын Академийн сургалтыг зохион байгуулах ажлаар яваад тэндээ үлдэж Ардчилсан Намын сонгуулийн ажилд тусалж, хажуугаар нь орон нутагтай танилцах, мөн будлиантай явагддаг гэх сонгуулийн үйл ажиллагаатай танилцах сайхан завшаан гарав. Тийм ээ, Өвөрхангайн залуус шинэ мэдээлэл, урам зориг, эв нэгдэл, итгэл зоригоор "цангасан" байсан нь сургалт зохион байгуулах үед анзаарагдаж байлаа. 2 удаа явагдсан сургалтын эхний сургалтад 120 гаран хүн сууж, харин 2 дахь сургалтын бүртгэл явагдах үед 200 гаран хүн хандаж, нэгэнт суудлын тоо, заах багш, байр савын бололцооноос хамаарч 120 хүн л авах болсонд маш олон хүн сэтгэл гонсгор үлдэж байгааг харахад харамсалтай байлаа. Аймгийн төвийн шинэлэг, зориг тэмүүлэл дүүрэн, голцуу эмч, багш, хуүльч, төрийн байгууллагуудад ажилладаг энэ залуучуудын зарим нь сургалтад суух гэж сум хөдөөнөөс олон км явж ирсэн байхад 120 хүний тоонд багтаагүй зарим эмэгтэй нь энэ сургалтанд суух үнэхээр их хүсэлтэй байна гээд нулимсаа арчин зогсоход өрөвдөх сэтгэл төрж байлаа.

Багадаа хэдэн удаа зуны амралтаар аав, ээжийн төрсөн нутаг Баянхонгор аймгийн хангай нутагт эрүүл агаарт хөдөө амрах гэж машинаар явж үзсэн. Ээжийн хийж өгсөн хөх даалимбан тэрлэгийг өмсөөд, аавынхаа шляпан малгайг духдуулж, том гэгчийн шар дурдан бүс зүүгээд, Эрхүүгээс авчирсан гэх шинэ бакалан гутал өмсөнө. Миний мал маллах гэж юу байхав дээ, охид голцуу үеэлүүдтэйгээ хамт өглөө сүү саалийн үеэр тугал татаж, ууланд гарч гишүү түүнэ, заримдаа өдөржин үхэр тууна, орой нь айраг бүлнэ. Айлын эрх хүүхдийг мориноос чиргүүлдүүлээд юүхэв гээд намайг морь унуулдаггүй байлаа. Хааяа гуйж гуйж нэг унадагсан. Харин 4-р анги төгссөн зун голдуу үхэр тууж өнжсөн, үеэлийнхээ хамт зунжин үхэр туухдаа англи хэл үзэж, өдөрт 10 үг, заримдаа 20 үг цээжилсээр 500 ширхэг англи үгтэй УБ буцсан нь тэр зун хамгийн том богц байжээ. Ингээд 5 дугаар анги төгссөн жилээсээ хойш 15 жилийн дараа анх хөдөө явж байгаа нь энэ.

Өвөрхангай үнэхээр сайхан байгальтай юм аа. Тийшээ очих замыг давгүй сайхан тавьсан ч энд тэндээ нүх ихтэй тул өөрийн эрхгүй болгоомжлол төрнө. Элсэн тасархай, Онгийн гол өнгөрөөд уул хад, ногоон зүлгээр чимсэн үзэсгэлэн төгс нутгийг харахуйяа сэтгэлд нэг л онцгой. Нийт 6 цаг давхиад Арвайхээр хотод ирлээ. Хүүхэд байхдаа харж байсан жижиг хот хэмжээний хувьд бараг хэвээрээ, харин зочид буудал, банкны салбарууд, дэлгүүрүүд нэмэгджээ. Ер нь хуучны социалист нийгмийн үе
ийн аймгийн төвийн өнгө төрх, үнэр хэвээрээ.

Нутгийн зөвлөлийн ордны том талбайн өмнө машинаа паркаллаа. Талбайн дунд нэгэн гэрэлт хөшөө байхуйг очиж сонжвол Монголын хамгийн анхны ерөнхий сайд Сайн ноён хан Т.Намнансүрэн, мөн ерөнхий сайд Пэлжидийн Гэндэн гуайн гэгээн дурсгалд зориулж, нэрсийг нь Монгол бичгээр шивсэн чулуун хөшөө байлаа. Их хүмүүсийн чулуун дээр сийлүүлсэн төрхийг харан зогсохуйд цээжинд хүндэтгэл хайрын гал асах сацуу П.Гэндэн гуайн шударга бус хэлмэгдүүлэлт, ЗХУ-д хэрцгийгээр цаазлуулсан явдал санаанд орж зүрхний угт гуниг төрүүлнэ.

Ингээд сургалт явуулах байр сав олж, бүртгэлийг орон нутгийн Худалдаа Аж Үйлдвэрийн танхимд хийлгэхээр болж, нутгийн ФМ радио, телевизээр зар явуулав. 3 хоногт хийх ажил үндсэндээ эхний өдөр дуусчихав. Учир нь Арвайхээрт ажил амжуулахад их амар юм. Өдөрт 10 байгууллагаар орох ёстой байсан ч ажил амжина, яагаад гэвэл бүгдээрээ л хэд алхамын зайтай, голдуу дээр дурдсан талбайг тойрч байрлана. Харин УБ-т бол маш их цаг авах ажил болох нь тодорхой.

Нутгийн зөвлөл буюу хуучнаар Аймгийн захиргааны өмнөх талбайг тойроод сонгуульд оролцож буй хүмүүс, нам эвслийн уриа лозунг, хотынхны ярьж хэвшснээр бол анонс гэх самбарууд хаа сайгүй. Ер нь хамгийн олон, хамгийн том анонс өлгөсөн нам, эсвэл нэр дэвшигч ялчих гэж байгаа юм шиг л. Нууцгүй хэлэхэд үе үе энэ нь эргээд Мао Зэдунг, Ким Ир Сен, Цэдэнбалыг санагдуулна. (Бидний үеийнхэн азтай гэж би хувьдаа боддог. Яагаад гэвэл бид коммунизмын шувтарга үед буюу 70 аад оны сүүл, эсвэл 80 аад онд төрсөн, сүүлчийн Могикан гэдэг шиг хамгийн сүүлчийн пионер болж үзсэн, бас Хонхны дууг амьдаар нь сонсож, картны бараанд оочерлож, Кока колаг одоо төрж буй хүүхдүүдээс арай өөр мэдрэмжээр ууж таньсан, приставка, холливүүд, МТV, Интернэт гэгч зүйлстэй анх танилцаж, ардчилалын үр шимээр баруунд гарч боловсрол эзэмших бололцоо олдсон цаг үед өсч торнисон гэдэг утгаараа бидний үе их азтай, бас хариуцлагатай...)

Арвайхээрт мэдээж олон ресторан, клуб байхгүй. "Isabelle's" гэдэг сонин нэртэй зоогой (бүр сүши мэнютэй шүү :), бас "Aлтан холбоо" гэж зоогой (ресторан) бий. Xоол нь бол УБ-ынхаас хамаагүй хямдхан, гэхдээ гоц сайн биш нь тодорхой. Ганцхан том шөнийн клуб бий бөгөөд үүнийгээ "New Leader" гэж нэрлэжээ. Ер нь бол их сонирхолтой нэр сонгодог хүмүүс юм гэж бодогдохоор :)

Ерөнхийдөө дунд сургуулийн удирдлагаас авахуулаад театрын дарга, цаашилбал бүх удирдах албан тушаалыг МАXН-ын гишүүд эзэлдэг гэнэ / юм байна. Хүмүүсийн байгаа байдал, харьцаанаас хуучны соц орны үнэр ханхална. Хамгийн хачирхалтай нь орой 8 цагт бүх дэлгүүр хаана. Бүх ресторан (нөгөө хөгжилтэй нэртэй 3 газар, бас бусад жижиг пабууд) 11 ээс хаана. За архи, шар айргийг 8 аас хойш заруулахгүй гэдэг хуультай дүрэмтэй бол ойлгож болж байна. Гэтэл бусад хүнсний барааг энэ хотод 8 цагаас хойш авах боломжгүй байна гэдэг бол ёстой ойлгож болмооргүй зүйл санагдлаа. Хүн 8 цагаас хойш гэртээ хүнс цуглуулж яагаад болохгүй гэж, эмэгтэй хүний сарын тэмдэг ирвэл яах вэ?

Нэг удаа Алтан холбоонд сонин уншаад, тухтай нь аргагүй өдрийн ундаа идээд сууж байлаа. Ер нь хотын соёлтой, боломжын ажил эрхэлдэг, мөнгөтэй хүмүүс энд хооллодог гэж нутгийнхан ярих. Гэтэл рестораны корридороос орилох чимээ гарахад нь гүйж очвол нэг 30 гаран насны залуу 50 гаран насны эрийг юу юугүй зодож нүдэж байхыг харлаа. Аль алинаас нь архи үнэртэнэ. Тэнд байгаа хүмүүсийн хэн нь ч тэр хүнийг салгах янз алга. Би очиж "aхмад хүнийг битгий ингэж зод", "одоо боль, бид тайван хоолоо идмээр байна" гэж гуйлаа. Зодож буй залуу намайг "чи хэн юм?" гэсэн шинжтэй эргэж нэг том харснаа зогтусч, арай зөөлрөв. Гэхдээ л түүний уур хилэн дотроо багтаж ядаж буйг, харах царайны мунхаг хүн болохыг хараад энэ хүнтэй юу яриад ч хэрэггүйг ойлголоо. Ресторанд ажилладаг охид, менежерийг харж байхад ийм зүйлд хэдий нь дасал болсон шинж нүдэнд илт. Цагдаа дуудахыг олон удаа тэдэнд сануулсан боловч хэн нь ч дуудсангүй. (УБ хотод ч мөн ялгаагүй, ийм явдал их) Ингээд хэдэн ширээ дамжиж гүйж байж арайхийж цагдаагийн газрын дугаарыг олж авч цагдаа дуудлаа. Энд тэндгүй байнга холхилдох цагдаа нар бодсоноос нэлээд удаж ирэв. Зодож ханасан залуу VIP өрөөндөө ороод хэсэг хүмүүстэй тухтай нь аргагүй хоолоо идэж суух. Ингээд би цагдаа нарт энэ хүнийг торгох, бас эрүүлжүүлэхэд хийж, зодуулсан хүний хохирлыг барагдуулах ёстой тухай ярьж гарлаа. Ер нь хүн зоддог танхай этгээд, бас цагдаа нар намайг танихгүй хэлээр ярьж байгаатай адил хачирхсан байдлаар л харах. Ингээд аргагүйн эрхэнд энэ хүнийг аваад явсан боловч хүмүүсийн ярихнээ энэ хүн тэнд нэг их удахгүй суллагдана гэнэ. Яагаад гэвэл хот маш жижиг тул хүмүүс бие биеэ сайн таньдаг, нэг таньдаг хүндээ хэлээд зүгээр суллагдаад явах нь тодорхой гэнэ. Зодсон нөхөр нь ч ийм зүйл байнга хийдэг танхай нэгэн гэнэ.

Тэгэхээр дээрх үндсэн ажлаа хийдэггүй цагдаа нар ямар ажилдаа сайн гээч? Тэд ресторан, клуб хаагдахаас өмнө наад зах нь 10 минутын өмнө 5-
ааc 10 -уулаа ирж хотын захирагчийн гаргасан үүрэг нэрээр тэнд байгаа хүмүүсийг хөөж тууж, хаалгыг нь бариулах ажилдаа үнэхээр гарамгай! Нэг удаа 22:50 ын үед ирээд бүх хүмүүсийг тонилохыг шаардав. Цаг 23 цаг бус 22:50 болж буй тухай би тэдэнтэй маргав. 23 цагаас хаалга барих ёстой болохоос та нар хоолоо идэж буй хүмүүсийг хөөх эрхгүй талаар олон удаа хэлээд ойлгох царай алга. Хүний эрх, ардчилалын үнэт зүйлийн тухай ярихад тэд дэмий л зогтусч гайхан харна. Олон зүйлд амаа хамхиулж эгдүү нь хүрсэн, надад уурласан цагдаа нар 2 хоногийн дараа уг рестораны лицензийг хурааж санаагаа амраажээ. Мэдээж энэ рестораны эзэн гайгүй танилтай нэгэн тул лицензээ өдөрт нь бас буцааж авсан байна, мөн бусад рестораныг хаасны дараа эднийхийг ирж хааж байх тухай "гэрээ" хийсэн тухай үйлчлэгч охиноос дууллаа. Хэхэ. Ер нь цагдаа нар орж ирж зандарахад эд нартай юм яриад нэмэргүй гэсэн янзтай хүмүүс гүйхээгээрээ гарч буйг, ард иргэд нь бүр номхон дөлгөөн гэж жигтэйхэн, мөн цагдаа нар тэдний биед дуртай үедээ хүрч түлхэж, зүгээр байхад нь эрүүдэж, дээрэлхэж байхыг харахад хачирхахаас илүүтэй огиудас хүрмээр!

Дээрх байдлыг харахад Арвайхээрт бяцхан хэмжээний коммунизм нүүрлэсэн нийгэм мэт санагдаж билээ. Залуусын эрх чөлөө боомилогдсон мэт санагдсан. "Арвайхээрт мөнгө үрэгддэгүй юм, нэг бодлын амар газар" гэж Арвайхээрт танилцсан нэг найз маань ярив. Би түүнд хэлэв, "Угаасаа очих, хийх зүйл байхгүй газар юундаа ч мөнгө үрэх билээ. Уг нь мөнгө үрэгдэж болдог газар байвал энэ хотын хөгжилд хэрэгтэй юм даа."

Үргэлжлэл бий...

26 comments:

Badka said...

Энэ түүхэн зурагнуудыг хаанаас олж аваа вэ?

Logos said...

google

Tulga said...

Goe niitlel baina taalagdlaa,haa saigui l tiimerhuu dur zurag baigaa ni haramsaltai. Minii bodloor mongoliin zaluuchuud ardchilsan, ondor hogjiltei orond olnooroo ochij suraltsaj baij l ene baidliig oorchloh baih. Ingehed songuuli ni her bolov? Ene udaagiin songuuli ch ongorchee, daraagiin songuulid zaluuchuud ih olnooroo orsoldood garch ireesei

eebee said...

Ёоё ёстой инээдтэй юм байна. Нээрээ яасан ч сонин нэр сонгодог хүмүүс вэ. Чи нээрээ америкад байж байгаад очсон болохоор юмыг их гоё талаас харсан байна шүү. За тэгээд үргэлжлийг нь хүлээж байя. Түргэлээрэй...

ganga said...

Setgelgee, hariltsaani soyold l suraltsmaar

Anonymous said...

Oo saihan bichjee. Sainbayaraa ajil yamar baina bicheerei

Bayasum said...

Хөдөө орон нутагт альваа өнгө төрх, хүмүүсийн сэтгэлгээ, байгууллагын соёл, ажиллагаа нь ер нь л соц талруугаа шүү.. хэрэглэж байгаа үг нь ч тэр, - хөдөлмөрчид өө гэж мэгээд..

Б.Эрдэнэболор said...

Чи өөрөө бодвол дахин дахин ингэж хөдөө яваад байх боломж муутай байлгүй. Харин тэр сургалтуудаа л сайн явуулж, тэнд байнга байдаг хүмүүсийг орчин тойрноо өөр нүдээр харахад нь тусалбал илүү үр дүнтэй. Сургалтыг 1-т агуулгын хувьд үр өгөөжтэй, 2-т сэтгэлгээг өөрчлөх гэсэн хоёр чиглэлээр явуулмаар санагдаж байна. Хотын соёл хэдийгээр хөдөө нэвтэрч буй нь нэг талаар сайшаалтай боловч нөгөө талаар манайхан зөвхөн зугаа цэнгэл талыг нь илүү хүлээж аваад, харин эмх журам, бие биенийхээ эрхийг хүндлэх гэх мэтийн үнэт зүйлсийг нь хаягдуулсан нь харагддаг.
Anyway, цаашид хөдөө сургалт явуулах төсөл хэрэгжүүлбэл манай байгууллагаас хөдөө аж ахуйн чиглэлээр оролцож болно шүү. Манай хаяг extension.edu.mn

MW said...

Надад Өвөрхангайн Хархорин сумын байгаль үнэхээр таалагддаг. Нэг л гоё.

serdaram said...

zun bolohoor hodoo saihan sanagddag setgelgee manaid baigaa tsagt bid ene orchnyig oorchilj chadahgyi baihaa daa. SAIN-aa amjilt hysiye! sain bichjee.

Anonymous said...

Sainbayaraa ci uneheer bicix avyastai negen yumaa. Neg l goy sonirxoltoi baidlaar bicix yum. Ix yum unshsan yum shigee. MOngoliin zaluust nemer bolox sain uil ixiig xiigeerei. Amjilt xusie!!!!

Anonymous said...

Bi ug ni bol Ovorhangainh l daa.
zunii amralt bolgonooroo l gertee haridag blaa,hotod nuuj irhees omno.

Ochnoon jil dund ni amidarsan mortloo yostoi ingej anzaarch harj bgaagui yum bnaa.

Neeree l yag l tanii bichsen shig l gazar shuu dee.
Bi 10n jild bhdaa hotruu shiljsen bhoor ih surguuliin amraltaaraa gertee harihlaar uulzaj uchiraad bh nz nohod hovortoi,gantshan nz ohin maani l tend bdag bj bilee.

Za tegeel bid 2 oroi nar buuhaar uulzaal salhiljaagaa nertei shaal hereggui TIS-n bairnaas talbai hurcheel joohon yum yarij,moroodoj bgaal ger gertee ordog bj bilee.

Yadaj gants kino teatr ch bhgui gazar shuu dee.

Zunii amraltaaraa ochson uedee bi haaya huns tsugluulahaar zah oroh uedee aimgiin buh ajil gantshan tend l yavagddag yum shig, buh humuus zah deer l bgaad bgaa yum shig sanagddag bj bilee.

Oor gazar olj harahgui humuus,huuhduud hurtel zah deer heden kontainereer ereenii baraa sonirhool yavj bdiin.

Oroi nztaigaa uulzhaas omno odor hiideg bsan gants zuil maani holboonii netd suuh.

Net-n hurd ni gej aimshig. suudag humuus ni ch gesen nogoo l hed.

Yagaad ch yum hun bolgon ni ochdog hedhen l gazartai yum shig sanagddiin.

Bi altan holboo, leader ene tert ni orj uzeegui l de.Gehdee gadnaas ni bol harsaan. Zunii amraltaara uidsan heden 10n jiliinhen l orj haragddiin,hehe.

Ta uneheer ooroo harsan bna shuu.
Yamar azaar tendees hurdan yavbaa. Tegeegui bol odiid neg l ih tenesen hun boloh bsan bh daa.

Huuhduud ni mash ih evdersen yum shig sanagddiin, 2 duugiinhee angiinhniig haraad bhad.

Tegeed bas deerees ni aimgiin bolovsrol soyoliin gazriinhan ni gej jinhene aimshig. Mon ch olon huuhdiin huvi zayagaar togloson doo, konkurs bolgonoor.

Bicheed bval mod duuskunee,boliy.

Ug ni shan nutag ch daanch humuus ni gej yalzarchihsan bnalee dee...

Gunigtai

Tsunara Ganbold said...

ug n asuudal devshuulsen yum bol garah arga zamiig sanal bolgoj bichsen bol saihan l boloh bailaa. ugaasaa bodit baidal iim baihad bid nar eniig medlee ged yahuudee. chi uuruu mgl-d turj usuugui yum shig neeh aimaar foreigner baidlaar bichsen baihiin. yumnii muu taliig olood harchij bolno gehdee iim half nomadic amidraliin orching developed society ch yumuu metropolitan life-tai holij hutgah esvel haritsuulah hereggui l sanagdah yum. sorry minii l bodol shu

Anonymous said...

Sain baina uu? Tanii blog iig bainga ordog hun baina.
Ih zawgui baigaa baih l daa. Gehdee blogoo urgeljluuleerei.
Humuus talarhal, shuumj bichjee. Minii bodloor, end udaj baigaagiin huwid, unen zuiliig uneneer ni l bichij baigaad bayarlaj baina. Medeej mongoldoo haringuutaa baidliig medeed, zasaj zalruulna gewel gaihamshigtai.Gehdee iimerhuu tsochrootoi baij l hurdan uunees garah arga hemjeeg zuwuur olj harj chadah baih.

Anyway, demjij baigaa shuu.fighting !
Dolcevita

Anonymous said...

comment uldeesen hun bolgond bolon enehuu nuutleliig bichsen Sainbileg ged bga americad suraad ihiig owortlood ireed yum uzsen ene ter ged tsetsreh geed yadchihsan nano uurag tarhitand enehuu commentiig unshih odriin mendiig hurgie gej.
chinii ch minii ch aaw eej, chi ch bi ch bugd mongol gazar shoroon deer torj osson mongol humuus. ene humuus bugd l yum uzej hunii daitai amidarch hunii daitai yawah ged l huruu humsaa hugalj aj toron amidarch owosgootoi neg ni gaigui amidarch ur huuhduudee gadaad dotood huwi bolon huwisgaliin zardlaar yawuulaad l surgaj uls eh orondoo tustai hun bolgoh ged l yawtsgaj bn. bi uneher gutarch haramsaj bn, gadaad surah asar ih zardal gargaad iimhen medleg oworloj ireed mongoliinhoo barag tsom bolson gazart ochchihood muulaad ooriigoo ooriinhoo hemjeenii humuuseer baliashigduulaad sj bgad. gehdee end bi chinii mongiig hemjih ged bas terend haramsagui l dee. chamaig yawuulsan etseg eh chin chamaig ihiig medej irsen bolson gej naidad eleg buten bhad eshshshsh chi ooriigoo neg har gej helmeer bn. iim ch yum bichij bh ch gej dee...
harin ch torson gazar ugaasa us shig sain ch muu ch chamaig haa ch yawsan hooj tuuh gazar nutag gej bhgui. chi mongoldoo haa ch bsan chi endhiih bish zail geh hun amitan bhgui sh dee. getel chi ter americat ali boloh aytaihan bj bj l amid yawj bga bizdee. chi neeh gantsaara yum uzeed ter americad bj bgad irj bga ni bish bhaa. minii bodloor chi america orontoigoo 50% ch taniltsaj amjilgui nasiig barsan baagii bn shd ee. americat ooriinhoo yawdag gudamj bolon ordog hoolnii gazruudaa neg soliod uzwel yaasiim we hogshoon. hogshin bol te nasaara neg gazrar uilchluuleed nasara neg gudamjaar americat yawchihsan bn sh dee. arai ch dee. chi erh cholootoi orond surch bga shdee. medreldee. gehde bas chi sain zuil hiij chaddag l bga gedegt itgej bn. ter sain zuil buhend chin amjilt husie.

Anonymous said...

yoooy,1rt bi sainbayar ah bish l dee, gehdee ene odoo previous comment yuu vee!
2rt,Ta uuruu tiim uhaantai(?) yum bol ireed (mongold ochood) tsetsegluuleech dee. End neg hun ni mongol iim bolchihson yum bh daa , geed l bichsen l baina shde. Iim bolchihsoniig medeegui yawj baidag , bi odoo yu ve.. bairiin l bichsen baiga bizde,. Sainbayar ahaa uuchlaarai, bi l tegj oilgoson shuu. Tegeed iim bolchood bainaa , geed l gantsaaraa bodoj suulgui , mini personal page dee bichsen baina. Yer ni mini web gedeg ni uuriin bodloo busadtai huwaaltsahiin tuld baidag gej bodoj baina. Tiimgui bol zugeer l shugamtai devter deer bicheed, avdartaa hiine bizde.

Tegsen Ta odoo huniig ingej helj bolohgui l baih. Sainbayar ah , yahaw.. heterhii hundlungiin hun shig mongoliin unuugiin chimhehen hesgiig l bichee bizde.

Ta iimerhuu comment uldeehiin bol ter yadaj umnuhi page uudiig ni unshsan uu? Ene hun bol UIH iin gishuun bish, araso! Jiriin surguulia tugsuud irsen niigemdee bol shinehen l hun baiga bizde. Bas utga zohiold sonirholtoi, haayaa uyangiin haliltai baidag ni unen ch gelee.

Ta shig humuus l hunii urmiig hugalj, gerliig buhuuh yum daa. Bid bugd medej l baigaa shde, mongolchuud uher zantai gej. Negnee tusalj demjihiin orond uuriin uchuuhen (?? uuchlaarai, tanii bair suuriig medehgui baij, hamaagui bichlee.) yawtsuu bodoldoo barigdaad suuj baidag gej.. MOngoloosoo garch uzsen, iish tiishee yawj uzsen jiriin neg mongol batsaanii (minii) huwid Ta huniig hundetgej heleh gesen zuilee yadaj ewteihen helj bai zaa. Ta shig humuusees bolj ajil ch uragshildaggui yum. Deerees ni depress dsen baisan bolhoor, oliggui comment bolchihloo.

Uuchlaarai, uul ni h**liin talbar bish ldee.

Suuld ni bi Sainbayar ah bish shu, huswel (chadwal) minii IP iig haraarai.
Ta ch bas mongoldoo (huniihee huwid) eh delhiidee sain saihniig buteene gedegt itgej baina.

Anonymous said...

genet sanad nzdaa uzuuleh ged orood irsen chin nadad zoriulaad bas neg comment uldeechihjee. tiimee minii duu bas setgej bn l daa. gehdee manai mongolchuudad dutagdal bdag bhgui yu. hun haa ch bsan torson gazar usaa yamar ch bsan muulah hereggui l bga bhgui yu. yawtsiidaa bish ldee. bas bodson bolood l bichsiim. ugaasa ali 21 onoos hoish mongolchuud hun yu l hiih huwi zayatai ter bugdiig l hiiged amidrah gd l yawj bn. gehdee odoo manaihan bas gadaad dotood yawad johon yum uzej harchihad bas eh ornoo mialj bolohgui sh dee. heleh ch ug alga.

Anonymous said...

Deerh hund handaj helehed ymar ih tuilshraa ve? Sainbayar zugeer l oort ni evgui sanagdsan zuilee l bichsen baina, yagaad bolohgui gej. Tuunii niitlelgiig unshsan hun negiig bodno shde. Sainbayar bichih aviyastai, buteelch setgelgeetei hun, tuunii hemjeend hurch setgedeg zaluus her bileedee,tegeed ch blogiig ni unshij setgegdlee huvaaltsdag olon zaluus bga. Shuumjleed baigaa nuhur ooriigoo hicheechih, mongolchuud 21-r zuund uher mongol heveeree uldeh gej uu?

Jenni said...

yahv dajgui l blog yum .

Anonymous said...

Deerhiin deerhi comment uldeesen unshigchid:
"tiimee minii duu bas setgej bn l daa. gehdee manai mongolchuudad dutagdal bdag bhgui yu. hun haa ch bsan torson gazar usaa yamar ch bsan muulah hereggui l bga bhgui yu. yawtsiidaa bish ldee. bas bodson bolood l bichsiim. ugaasa ali 21 onoos hoish mongolchuud hun yu l hiih huwi zayatai ter bugdiig l hiiged amidrah gd l yawj bn. gehdee odoo manaihan bas gadaad dotood yawad johon yum uzej harchihad bas eh ornoo mialj bolohgui sh dee. heleh ch ug alga.
"
Ta anhnaasaa l ingeed bichchihgui dee :)
Anyway, Sainbayar ah aa, amjilt husiye, Aaaaamjiiiiilt shuuuu :)

Anonymous said...

"Hooson magtaal hoenooh ayiltai" gedgiig sanaj yav!
Hun eyreg soerog taltai toerdug...tiinhuu l toegsdog!

Behee said...

Very nice composition. I like the way you write. You have some serious skills, man!

Anonymous said...

yohh!! ah huu! arai l denduu muu taliig ni haruultsiin bishuu?!

hediigeer hotiin soyloos tasartsan, buduuleg humuus bdg ch tend bas sain saihan bid nart ooogt bhkuu yum ih baigaa shuu!!!

Anonymous said...

Congratulations! chi iim yum bichchiheed ooriigoo magtuulj bgaadaa bayarlaad l suuj bgaa daa, ewii mini! naadah chin yag l gadaadad amidarch bgaad mongoliinhoo muuhaig gaihan yadaj bgaa negnii setgedgdel shig l bna za! archaagui amitan! uwurhangai ch gsn mongoliin l negen heseg! chi ch bas mongol hun, getel chi ingej zowhon oroi busgai bdlaar shuumjilj bichij bgaa chin uwurhangain orshin suugchdad yu gj sanagdah bsniig bodoltsoj uzeegui yu ain! tiimee medeej manai ene hogondoo daragdsan hotnoos hugjlooroo muu ni uneen. chi tgd daraa ni yug ni shuumjleheer zehej bna da tgd! ain. tesen yadan huleey! useg ug holboj suraad iim l yum bichij suraa yu te! naad nud shig yumaa oligtoihon neegeed harj uzchiheed tom tom baa za! aa bas ooriinhoo torsn nutgaa yamarshuuhan bgag bas haraad uzeerei. haa gazar yag l adil bh shuu

Anonymous said...

You need to update your blog more often!!! otherwise it is getting forgotten.

Logos said...

Санал шүүмж бичсэн бүх хүмүүст чин сэтгэлээс баярлалаа!