1.01.2010

Он солигдох мөчид...

Он солигдох энэ мөчид сэтгэл өндөр, бүр маш өндөр байна. Зурагтаар Ерөнхийлөгч маань үг хэлэх гэж байна. Өнгөрсөн жил миний амьдралд олон сайхан зүйл тохиолдсон гоё жил байлаа. Шинэ жил болгоноор л тэгж санагддаг. Гэхдээ бүр гоц гойд юм бол байсангүй. Ажил дээр тодорхой дэвшил гарч, хамт олон маань ч амжилт бүтээлээ тэмдэглэж, олон улсын наадмаас болон бусад хэд хэдэн газраас шагнал хүртлээ. Мэдээж бид шагнал хүртэхийн төлөө ажиллаагүй ч шагнал гээч өөрөө ирдэг нь гайхамшигтай. Гэтэл алдаж, хазгай гишгэх ч үе байлаа. Жишээ нь олон хоногийн хөдөлмөрөө зарсан хагас сая гаран долларын өртөгтэй тендерийн материалыг 5 минут хоцроож, тендерт оролцолгүйгээр өөрөө өөртөө ялагдсан гутамшигт зүйл ч гарсан. Энэ үест хоолойгоор хоол давахад мөн хэцүү байсансан. Ямартаа ч хамтарч орчуулсан Ажаа гэгээний намтар: Цагийг бэлгэдэгч наран чөлөө ном хэвлэгдэж, Британника нэвтэрхий толийн өөрийн хариуцсан ICT хэсгийг 90% орчуулж дууссанд баяртай байна. Цахим өртөөнийхөө найзуудтай хамт 3 хазара оюутныг монгол улст авчирч, ерөнхийлөгчийн сонгуулийн үеэр гадаадад суугаа (Лондон, Токио, Вашингтон, Сан Франциско) монголчуудын дуу хоолойг илэрхийлсэн анхны гэж болох сонгуулийн сурталчилгаа видео, уриалга хийх ажлыг иргэний идэвхиэр санаачлан, продюссераар ажилласнаар хилийн чанадад ч сонгогчид байдаг юм шүү гэдгийг дахин сануулж чадсандаа баяртай байна. Шинэ жилээр надад ирсэн олон бэлгээс онцолмоор хэдэн том бэлэг бий. Үүний нэг нь Интерном дэлгүүрийн хамт олноос бэлэглэсэн БНСУ-ын ерөнхийлөгч И Мёнбагийн Ажлаар амьсгалсан он жилүүд ном. Үнэхээр ойрд эдлээгүй таашаал эдлүүлсэн энэ номыг өчигдөр нэгэн зоогойд оройн хоолоо ганцаар идэхдээ уншиж (олон тохиолдолд зөвхөн ганцаараа сэтгүүл, ном шагайн хооллохдоо би их дуртай) эхлээд гэртээ харьсан ч гараас тавилгүй уншсаар үүрийн 6 цаг гэхэд уншиж дуусгасан. Гайхалтай сайн орчуулсан (төгс гэмээр найруулгатай) МУИС-ын проф. Ж.Баттөр танд баярлалаа. Харин үг үсгийн алдаа их байлаа. Хорин нас хүртэл нь түүний амьдралыг "хясаа мэт бүрхсэн" ядуу тарчиг байдал, гайхамшигт уужим бөгөөд хүнлэг сэтгэл, нугаршгүй ноён нуруу, мятрашгүй хүсэл зорилго, нөр их хөдөлмөр, улс эх орныхоо төлөө нэг хором ч хоёргүй сэтгэлээр зүтгэсэн, хог түүгч хүү хожим Hyundai корпорацийн хамгийн залуу захирал болж БНСУ-ын дэлхий дамнасан компаниудын эхийг тавьж, улс эх орноо хямралын үед авран гарч, гайхмаар сонин шийдлүүд хийж байнга ялалтыг авчирсан түүхийг уншаад өөрийн эрхгүй бахархах сэтгэл төрсөн билээ. Ямартаа ч 2009 оны сүүлчийн шөнийг (12/30) түүний амьдралаас суралцан өнгөрөөсөндөө би их баярлаж хэдэн арваар нь аваад бүх найз нартаа бэлэглэмээр санагдав. (та заавал уншаарай)

Өнөөдөр урд шөнө нь ном уншаад нойргүй хоносон ч эрч хүч дүүрэн, 12/31 тул хагас өдөр ажиллаж тараад үеэл дүү нартаа бэлэг, бялуу авч, орой бүх ах дүү нарын хамт буурай аав ээж хоёр дээрээ зочилж хамт тэмдэглээд, дараа нь тусгайлан урьсан үеэл ахындаа авга ах, ажаа нарын хамт очиж төрөл бүрийн хоолоор бас дайлуулав. Үеэл ах маань надад зориулж авсан юм гээд алтадмал Бугын баримал бэлэглэхэд нь үнэхээр их баярлалаа. Чухам яагаад буга бэлэглэснийг нь дараа тухтай асууна аа :) Харин одоо энэ мөчид өдөр цайлах үед Эйтэл гэж францын кино найруулагч найзын маань Канн хотоос авчирч бэлэглэсэн оргилуун дарсыг буудахаар зэхэж байна... Би их бэлэгшээлээ. Яагаад гэвэл champagne бол францын Champagne гэдэг газрын усан үзэмнээс нэрдэг байснаас ийм нэртэй болсон ундаа... Ерөнхийлөгч маань сайхан үг хэллээ... Тэрээр дунд нь англиар Happy new year! гэж хэлсэнд яагаад тэгж гадаадаар хэлсэн юм бол, эсвэл сурсан зангаар хэлэв үү гэсэн бяцхан гайхашрал төрүүллээ. Блогоо бичиж суутал он ч гарчих шиг боллоо. (аавдаа зул өргөж, өргөлийн тавганд болон өөртөө бялуу зүсэв) Түрүү жил би Шинэ оны мэнд ба Мөнхгалт ордны тоосго бид гэж бичиж байснаа саналаа. Тийм ээ би, туйпуу хэвээрээ байгаа шүү. Шинэ ондоо улам чанарлаг туйпуу байхыг хичээх болно. Шинэ онд таныг болоод намайг маш олон сонин, тааварлашгүй, төсөөлөөгүй учрал, тохиолоор баялаг, сайн сайхны үрийг тарьсан өдрүүд угтана гэдэгт итгэл төгс байна. Яагаад гэвэл амьдралын хамгийн сонирхолтой хэсэг нь тэр л төлөвлөөгүй, таагаагүй тохиолдлууд, үйл хэргүүд, шинэ сонин танилууд. Хэрэв хүн өөрийнхөө амьдралыг урьдчилан таагаад мэдчихдэг бол.... амьдрах ямар шаардлага байх вэ дээ, тийм ээ? Тэмцэлгүй, ялалтгүй, ялагдалгүй, зорилгогүй амьдрал юутай гаслан вэ. Тэгэхээр та биднийг маш олон тэмцэл, challenge угтаж буй нь маргашгүй туйлын үнэн. Мөн надад олон АЗ таарах болно. Хамгийн гол нь би түүнд бэлэн үү? Бэлтгэгдсэн оюун ухааныг азын тэнгэр ч ивээн хардаг ажгуу. Тэгэхээр ирээдүйд ирэх АЗ, БОЛОЛЦООНЫ төлөө өөрийгөө бэлтгэж, улам их уншиж, сонсож, суралцахыг хүснэм. Ихэнхи хүмүүн өөрт олдсон боломжийг ашигладаггүй, түүнд бэлэн бус, эс бөгөөс огт анзааралгүй өнгөрөөдөг юм шиг санагддаг. (Ингэхэд шинэ он солигдох мөчийг ганцаараа угтаж байсан удаа байхгүй юм байна. Одоо гарч найз нартайгаа тэмдэглэнэ дээ.) Та бүхэнд шинэ оны мэнд хүргэе! PhiloMongolia!

9 comments:

Ганзо нь said...

Танд шинэ оны мэнд хүргэе.

iga said...

Шинэ онд сайн сайхан бүхнийг хүсэе.

Anonymous said...

HAPPY NEW YEAR :)

Battur Sanchin said...

Шинэ оны мэнд хүргэе. Өнөөгийн залууст үлгэр жишээ болон ажиллаж, хөдөлмөрлөж байдагт тань талархая. Ирэх ондоо улам их амжилт гаргаарай.

Ням-Очир said...

Tand ch gesen Shine Onii Mend Hurgey! Ih saihan bichleg boljee.

Anonymous said...

Tanii bichsen niitleluudig bnga zag zav garval l blogoor chin zochilj unshdag shuu...uneheer ih hundelj yvdag...ene ondoo hussen buh amjiltaa olj avahiig husen yrooy!!!
hundetgesen:Suugii

Suvd said...

Таны бичлэгүүдийг унших бүрт өөрийгөө голох сэтгэл төрөхийн зэрэгцээ дандаа би илүү их бүр илүү их боловсрох хэрэгтэй юм даа гэдгээ мэдрэх юм даа. Та мэдэхгүй байж болох ч миний бодлоор та өөрийнхөө бичлэгүүдээр олон олон хүмүүсийг хурцалж явдаг юм шүү. Он солигдох мөчид би ч гэсэн блогтоо эмээгийнхээ шүлгийг шинэ оны анхны бичлэгээр оруулах гээд шивээд сууж байлаа. хэхэ
Юутай ч таньд шинэ оны мэнд....Энэ жилдээ ирээдүйд урган өсөх олон сайхан модны үрийг тариарай...Илүү олон гоё бичлэгүүдийг блогтоо бас тавьж байгаараа...

tsengee said...

Sain baina uu?
tanii niitlegiig anh udaa unshij bna, ih taalagdlaa. Yagaad ch yum unshaad ih uram zorig orloo.
Ene zun mongold dadlaga hiij bh hugatsaand bson germand togsogchdiin uulzalt ba allumni- portal.n neelten deer ooriig chini harj bsan yum bna, tsahim urtuu.web.g ooroo taniltsuulj bsan bhaa, herew bi anduuraagui bol??? angliar iltgelee tawij bsan shig sanagdaj bna. Ulsiin ih hurliin zarim gishuud omno ni ter uulzalt deer iltgelee angliar (germand togsogchid bas germanaas irsen zochid bsan uchir uulzalt german angliar tawigdah bolow)tawisan, tednii gadaad helnii medleg yamar muu bsan geech, bi ter olon gadaadiin toloogochdoos ih ichih setgegdel torj bsan. Harin uuruu uneheer dajgui itgel tawisan shuu. Uneheer hunii sursan shig sursan zuil yamar saikhan geech....Shineleg setgelgeetei, tsoglog, irch huchtei zaluuchuud mgl.d bdag yum shuu gedgiig haruulj chadsan gej bodoj bna. 2010-shine on tand eruul enkh, amjilt buteel, bayar hooroor duuren baih boltugai gej eruue
Jich: oor olon sonirholtoi medee medeelel oruulj bgaarai, bayarlalaa
mendchilsen, Tsengee

snbr said...

uram hairlasan buh hund bayarlalaa. Ta buhend shine onii mend hurgeye!